【搬屋公司】點先搵到間啱心水嘅搬屋公司?


搬屋公司

香港地樓貴租貴,好多人一生人都唔知要搬幾多次屋,中間都唔知轉過幾多間搬屋公司…每次都好似揀唔啱搬屋公司咁,唔係價錢唔啱就係服務質素唔好。究竟應該點樣揀間啱自己心水嘅搬屋公司呢?

搬屋公司報價

價錢

搬屋公司嘅收費係冇統一嘅標準,甚至收費模式都唔一樣。有啲公司會逐件計,先設最低消費,然後以每件傢俬、電器、紙箱等去計;亦有公司傾向用網上或上門報價,然後將客人所需嘅服務作一個統一報價。以上就係最普遍嘅兩種報價方式,兩種報價都有優缺點,客人應該依照自己嘅需要去揀。

首先,逐件計嘅搬屋公司優點就係價錢比較明確,通常呢類型嘅公司都會喺網上設有參考價錢,甚至有一個簡單嘅自動報價系統,客人只要依照佢哋提供嘅選項,剔選自己需要搬嘅物件等,之後就會有一個大約價錢。不過呢個價錢真係只能作參考,其實大部份搬屋公司會同客人重新報一個更準確嘅價錢。

而要上門/用WhatsApp等工具報價嘅公司,其實都係以「逐件計」嘅方式嚟估價,只不過因為每件傢俬電器嘅款式或者類型唔一樣,而且報價員會喺上門/睇相片嘅時候大概了解埋客人嘅家門大細等,方便計算需唔需要拆裝傢私等服務,價錢透明度冇逐件計咁高,但報嘅價就比較全面及仔細。


搬屋公司好

服務質素

「我要搵一間唔會整爛嘢嘅搬屋公司!」如果您係以呢個作標準去搵搬屋公司嘅話,相信都好難搵到,因為即使係業界好出名嘅公司,佢哋用最好嘅保護物料、最穩固嘅包裝方法都好,都唔能夠保證到呢點,因為搬運要視乎嘅因素太多,最簡單一個例子就係入紙箱嘅砌法:假設您自己將物件放入紙箱,但無論擺放嘅方法、物料、種類都係毫無根據,只求裝爆一箱嘅話,就算外層有幾好嘅保護物料都好,紙箱內嘅物件都好大機會有損壞。

「咁我應該用咩準則去揀搬屋公司好呢?」呢個時候您就會問。其實所謂嘅服務質素,係講緊師傅搬運嘅經驗、技術、態度,甚至係搬屋公司嘅客戶服務質素,前三種都可以參考網上嘅評價,當然呢啲評價唔可以盡信啦,舉個例,如果間公司嘅專頁有幾千至幾萬個likes,但讚好同留言數量甚少,又或者全部都係好評嘅,就有機會係造假,至於詳細點樣分辨,就真係好睇您自己嘅經驗。


而客戶服務嘅質素方面,相信好多客人都有遇過「聲大夾惡」、「唔做就擺就」等等唔禮貌嘅情況出現,所以搵間識做Customer Service嘅搬屋公司都唔係咁易,起碼要搵間喺未落實幫襯佢之前,已經對您態度良好、有問必覆、細心講解嘅公司,好過信一啲開空頭支票,表明100%唔會有損壞嘅公司。