新屋多塵?5個減少塵埃嘅方法!


減少塵埃的方法

有啲人搬咗新屋之後發現好多塵,抹極都仲會有,鼻敏感都嚴重咗!究竟點解室內都會有咁多塵呢?有咩方法可以減少塵埃?

塵埃嘅形成

唔講唔知,原來室內嘅灰塵有8成都係人類脫落嘅死皮細胞,其餘嘅就係衣服嘅纖維、塵蟎嘅排泄物、空氣懸浮物以及其他細菌等。如果您屋企係近馬路同屬於低層嘅話,開窗時會較容易由室外飄入其他塵埃!

減少塵埃嘅方法

減少塵埃的方法

1. 減少使用針織物料

唔少家居用品都係針織嘅物料,例如地毯、窗簾、被、布梳化等等,而針織嘅物料好易堆積塵埃,有時肉眼未必睇到呢啲塵埃,可能積咗成吋厚您都唔知!如果屋企真係有呢類型嘅家具,一定要定時清洗乾淨,布梳化呢類洗唔到嘅家具就要勤吸塵。

減少塵埃的方法

2. 增加室內濕度

如果室內嘅空氣濕度較高嘅話,塵埃通處飛嘅情況就會減少,所以一定要勤拖地,保持地板清潔同濕潤。另外亦都可以添置空氣清新機,而家好多新款嘅空氣清新機有殺菌、增濕、淨化空氣、過濾塵埃及花粉等功能。


減少塵埃的方法

3. 入屋後即刻換衫

室外嘅塵埃比室內多好多,而且衣服亦都好易惹到塵,尤其係較易有靜電嘅冬天!如果您有去過室外地方嘅話,入屋後要即刻換衫、褲及鞋,避免將室外嘅塵粒帶入屋。況且而家嘅疫情嚴重,入屋後換衫消毒,對家人都有保障添!

減少塵埃的方法

4. 家用電器千祈唔好待機

唔用嘅電器要完全熄咗佢,千祈唔好待機。因為待機其實仲係有電,除咗耗電之外仲會有好多靜電,加上冬天乾燥嘅天氣,想唔惹塵都唔得啦!

減少塵埃的方法

5. 使用衣物柔順劑

洗衫時用柔順劑可以令到衣服更香更順滑之外亦都可以減少靜電,所以您可以喺清潔家具、抹地嘅時候滴少少柔順劑落去防靜電!另外可以買一啲超細纖維嘅抹布去抹家具,纖維越細就越容易抹走啲塵埃!

由於裝修嘅關係,通常新屋都會有好多塵同甲醛,所以一定要做好清潔先入住。如果唔想自己搞嘅話,可以搵家居清潔公司幫您除甲醛同去塵,佢哋有專業工具去做,效率較高。如果您想自己搞嘅話,裝修後千祈唔好即刻搬入去住,要將所有窗打開令到空氣流通,利用空氣流動去減少甲醛含量。入住前亦要吸好塵後再做清潔!