紅日搬屋收貴啲?常見嘅5個搬屋Q&A!


搬屋收費

紅日搬屋係咪一定要加錢?點解搬屋公司經常遲到?免費紙箱真係免費嘅?相信搬過屋或者準備搬屋嘅您都會有相關嘅疑問,今日就等我哋同大家解答吓呢啲問題啦!

問:紅日搬屋係咪要加錢?

答:唔一定。2019年嘅消費者委員會嘅調查報告指出,如果您喺星期六、日或公眾假期搬屋嘅話,有部分公司會收取500元至1200元起嘅附加費,亦有公司會按運費總額加收10%嘅附加費。當然亦都會有公司唔會收任何假期嘅附加費。如果係農曆新年呢啲特殊日子嘅話,大部份公司都應該會收返附加費,始終新年要搵人開工都比較困難!順帶一提,搬屋公司大多都係全年無休㗎!

問:點解搬屋公司成日遲到?

答:搬一間屋嘅時間受好多因素所影響,例如傢俬雜物數量、新舊址嘅距離、搬運時嘅路面情況、交通狀況等等,每個因素都有機會增加搬運嘅時間。而好多時都會出現上一張單遲咗,令到下面嘅單都會受影響。

普遍搬屋公司都係朝八晚六,如果您冇特別要求或者唔需要擇吉時嘅話,可以揀喺最早嘅時間,咁就唔洗擔心會出現遲到嘅問題。

問:點解有啲公司免費提供紙箱,有啲就要收錢呢?

答:紙箱等物料係搬屋公司嘅搬運成本之一,當然唔會有真正「免費紙箱」出現啦!有啲搬屋公司將紙箱價錢包咗喺報價入面,有啲就會逐件同您計。其實每個紙箱嘅價錢都唔會好貴,唔需要太過擔心因為咁而比人呃錢!


問:逐件計嘅搬屋公司係咪收費較平?

答:唔一定。其實係視乎您嘅需要而定,搬屋除咗要睇您嘅傢俬雜物之外,仲有其他因素影響到報價,例如傢俬裝拆、樓梯、平台、斜坡、停車場等附加費,而逐件計嘅公司就會將所有嘢都拆開收費,連紙箱同車費都要分開,有啲仲會有最低消費,計返埋同普通搬屋公司唔會差得太遠。建議您因應自己嘅需要,搵定啲啱心水嘅公司報價,比較完價錢同質素後再做決定。